Мабільная версія
ДЗЯРЖОРГАНЫ
Апошнія навіны
Усе навіны

Беларусь прымае ўдзел у кінафестывалі ШАС у Цындаа

Культура 14.06.2018 | 16:04
Фота з архіва
Фота з архіва

14 чэрвеня, Цындаа /БЕЛТА - Сіньхуа/. Кінафестываль ШАС адкрыўся 13 чэрвеня ў горадзе Цындаа правінцыі Шаньдун на ўсходзе Кітая.

Для дэманстрацыі розных культурных і кінематаграфічных асаблівасцей краін ШАС на фестывалі гледачу будуць паказаны лепшыя фільмы 12 краін. Усяго чакаецца паказ 55 карцін, 23 фільмы прымуць удзел у конкурснай праграме.

На фестывалі будуць паказаны пяць карцін з Беларусі. Гэта фільмы "Тум-Пабі-Дум" (рэжысёр Вячаслаў Нікіфараў), "Рыжык у Залюстроўі" Алены Туравай, "Сляды на вадзе" (рэжысёр Аляксандр Анісімаў), "Масакра" Андрэя Кудзіненкі і "Салодкае развітанне Веры" Аляксандры Бутар. У складзе беларускай дэлегацыі - прадстаўнікі Нацыянальнай кінастудыі "Беларусьфільм", рэжысёры, акцёры. Беларускія кінематаграфісты прымуць удзел ва ўрачыстай цырымоніі адкрыцця кінафестывалю, кінапаказах, прэзентацыі беларускіх фільмаў, форуме супрацоўніцтва, цырымоніі закрыцця.

Кінафестываль ШАС з'яўляецца важным мерапрыемствам у рамках гуманітарных абменаў, ён арганізаваны ў каардынацыі з самітам ШАС у Цындаа.

Галоўны прыз кінафестывалю - "Залатая чайка". Будуць таксама прысуджвацца шэсць прызоў: за лепшы фильм, лепшую рэжысуру, лепшы сцэнарый, лепшую мужчынскую ролю, лепшую жаночую ролю и спецыяльны прыз журы. У склад журы ўваходзяць знакамітыя кінадзеячы краін ШАС. У якасці члена журы запрошана старшы навуковы супрацоўнік аддзела экранных мастацтваў Інстытута мастацтвазнаўства, этнаграфіі і фальклору імя Кандрата Крапівы кандыдат мастацтвазнаўства, дацэнт Наталля Агафонава.

Прызёры кінафестывалю будуць аб'яўлены 17 чэрвеня на цырымоніі закрыцця.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Аршанскі раён Аршанскі раён знаходзіцца на паўднёвым усходзе Віцебскай вобласці. Адміністрацыйны цэнтр - горад Орша з насельніцтвам 115 тыс. чалавек.