30 сакавіка, Кішынёў /Андрэй Гусін - БЕЛТА/. Беларусь і Малдова створаць рабочую групу па супрацоўніцтве ў галіне культуры, паведамілі карэспандэнту БЕЛТА ў пасольстве Беларусі ў Малдове.
Дамоўленасць аб яе стварэнні дасягнута ў ходзе сустрэчы, якую пасол Беларусі ў Малдове Сяргей Чычук правёў з міністрам культуры Малдовы Монікай Бабук.
Плануецца, што ствараемая рабочая група па супрацоўніцтве ў галіне культуры разгледзіць пытанні выканання дамоўленасцей, дасягнутых у ходзе праведзенага ў кастрычніку мінулага года візіту прэм'ер-міністра Беларусі Андрэя Кабякова ў Малдову.
Пасол павіншаваў Моніку Бабук з днём нараджэння і перадаў ёй віншавальнае пасланне ад імя міністра культуры Беларусі Барыса Святлова.-0-
