Мабільная версія
ДЗЯРЖОРГАНЫ
Апошнія навіны
Зіма ў Налібоцкай пушчы
Учора 17:31 Фотарэпартаж
Усе навіны

Атмасферу армейскага клуба аднавілі ў новай музейнай экспазіцыі Брэсцкай крэпасці

Культура 22.12.2017 | 18:47
Фота з сайта мемарыяльнага комплексу "Брэсцкая крэпасць-герой"
Фота з сайта мемарыяльнага комплексу "Брэсцкая крэпасць-герой"

22 снежня, Брэст /Кар. БЕЛТА/. У мемарыяльным комплексе "Брэсцкая крэпасць-герой" сёння адбылося адкрыццё новага музейнага аб'екта - Армейскага клуба, перадае карэспандэнт БЕЛТА.

Армейскі клуб размясціўся ў парахавым склепе на тэрыторыі Кобрынскага ўмацавання. Яго наведвальнікам прапануецца акунуцца ў атмасферу 1939-1941 гадоў, унутры інтэр'еры максімальна набліжаны да даваенных. На ўваходзе ў будынак, як і ў былыя часы, гасцей сустракаюць работніцы буфета, якія паказваюць, чым частаваліся ў клубе чырвонаармейцы, камандзіры і члены іх сем'яў. Далей адкрываецца від на ленінскі пакой, актавую залу са сцэнай. Акрамя таго, турысты змогуць прайсці па бакавых хадах склепа, каб больш дэталёва азнаёміцца са структурай фартыфікацыйнага аб'екта.

"У парахавым склепе ў той час сапраўды знаходзіўся клуб 98-га супрацьтанкавага артылерыйскага дывізіёна. Таму ў нас ужо даўно былі планы адкрыць гэты аб'ект, каб паказаць атмасферу, у якой знаходзіліся чырвонаармейцы, камандзіры, іх сем'і напярэдадні вайны, - расказаў дырэктар мемарыяльнага комплексу Рыгор Бысюк. - У перспектыве будзем тут паказваць фільмы 1939-1941 гадоў, праводзіць розныя мерапрыемствы". У прыватнасці, абмяркоўваецца магчымасць задзейнічаць у рабоце Армейскага клуба калектыў Брэсцкага драмтэатра.

На стварэнне экспазіцыі накіроўваліся бюджэтныя грошы. Асноўную фінансавую нагрузку на сябе ўзяло ААТ "Газпрам трансгаз Беларусь", якое выдзеліла мемарыяльнаму комплексу Br100 тыс. За кошт гэтых сродкаў у тым ліку выраблены асобныя экспанаты, набыты сістэмы кандыцыяніравання і асвятлення. У афармленні экспазіцыі прынялі ўдзел супрацоўнікі сталічнага Мастацкага камбіната.

"У гісторыі Брэсцкай крэпасці, напэўна, мы ўжо ведаем усе гераічныя старонкі. Але тут жылі людзі і перад вайной. Новая экспазіцыя падкрэслівае мірны складнік перадваеннай эпохі", - падкрэсліў старшыня Брэсцкага гарадскога Савета дэпутатаў Мікалай Красоўскі.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Аб'ёмы продажаў тавараў народнага спажывання ў 2017 годзе Нацыянальны статыстычны камітэт падвёў вынікі работы арганізацый гандлю ў 2017 годзе. У табліцы прыведзены аб'ёмы продажаў тавараў у параўнанні з узроўнем 2016 года ў супастаўных цэнах.