Мабільная версія
ДЗЯРЖОРГАНЫ
Апошнія навіны
Усе навіны

Арганізатары адзначаюць папулярнасць літаратурнага конкурсу пра Скарыну

Культура 03.08.2017 | 14:53
Факсімільнае выданне Бібліі Францыска Скарыны
Факсімільнае выданне Бібліі Францыска Скарыны

3 жніўня, Мінск /Кар. БЕЛТА/. Літаратурны конкурс Саюза пісьменнікаў Беларусі "Скарынавай душой узлашчанае слова", прысвечаны 500-годдзю беларускага кнігадрукавання, знайшоў водгук у розных кутках краіны і за мяжой. На гэта ў гутарцы з карэспандэнтам БЕЛТА звярнуў увагу намеснік старшыні СПБ Анатоль Крэйдзіч.

На конкурс паступіла вялікая колькасць работ. Журы ў складзе вядомых пісьменнікаў, вучоных-філолагаў, літаратурных крытыкаў, выдаўцоў, грамадскіх дзеячаў вызначыла лепшыя. Усе прызавыя месцы, а іх шэсць, занялі творы на беларускай мове. Яшчэ адна асаблівасць конкурсу - шырокая геаграфія ўдзельнікаў. Так, сярод пераможцаў - прадстаўнікі розных рэгіёнаў. Адно з прызавых месц - у беларускі, якая жыве ў Германіі ў Дзюсельдорфе.

Паводле слоў намесніка старшыні СПБ, на конкурс прыйшло так шмат дастойных твораў, што саюз вырашыў заахвоціць яшчэ шэсць удзельнікаў. Сярод іх тры чалавекі з гуртка журналістаў мінскага палаца дзяцей і моладзі "Золак".

Пераможцаў узнагародзяць памятнымі падарункамі сёння ў сталіцы. Ім уручаць, у прыватнасці, арыгінальныя металічныя статуэткі Скарыны. Лепшыя творы будуць апублікаваны ў літаратурных выданнях Беларусі.

Конкурс "Скарынавай душой узлашчанае слова" прызначаны прыцягнуць увагу грамадскасці да асобы беларускага першадрукара Францыска Скарыны, падкрэсліць значнасць яго ўкладу ў развіццё культуры і духоўнасці беларусаў і ўсіх усходніх славян.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Параўнанне камбайнаў "Палессе GS16" і Lexion 770 Збожжаўборачны камбайн "Палессе GS16" - флагман мадэльнага рада ААТ "Гомсельмаш". Машына прызначана для сельгаспрадпрыемстваў з найбольш буйнымі аб'ёмамі ўборкі.