Мабільная версія
ДЗЯРЖОРГАНЫ
Апошнія навіны
Усе навіны

Акцэнтаванне гістарычных дэталей у абліччы сучаснага Мінска прыцягне еўрапейскіх турыстаў - эксперт

Культура 20.04.2017 | 14:11
У час сустрэчы
У час сустрэчы

20 красавіка, Мінск /Юлія Огнева - БЕЛТА/. Акцэнтаванне гістарычных дэталей у абліччы сучаснага Мінска пасадзейнічае прыцягненню еўрапейскіх турыстаў. Такое меркаванне выказаў доктар гісторыі мастацтваў з Францыі Фаб'ен Бела на сустрэчы з кіраўніком адміністрацыі Цэнтральнага раёна сталіцы Ігарам Бузоўскім, перадае карэспандэнт БЕЛТА.

Ігар Бузоўскі ў ходзе інфармавання аб змяненнях у Мінску, у Цэнтральным раёне агучыў Фаб'ену Бела ініцыятыву пілотнага праекта па аднаўленні ў колеры арнаменту слуцкіх паясоў на элементах ліхтарных слупоў, у прыватнасці каля ГУМа. "Для нас важна меркаванне экспертаў, у тым ліку ваша як доктара гісторыі мастацтваў: наколькі гэтыя арт-аб'екты будуць гарманічныя з архітэктурнага пункту гледжання", - растлумачыў кіраўнік адміністрацыі.

Фаб'ен Бела, прааналізаваўшы эскізы, адзначыў гарманічнасць і правільнасць рашэння. "Калі вы будзеце рабіць такія праекты, то іншаземцы ўбачаць, што вы ганарыцеся сваёй гісторыяй, уключаеце гістарычныя дэталі ў аблічча сучаснага горада. І гэта прываблівае еўрапейскіх турыстаў", - сказаў ён.

Ігар Бузоўскі падзяліўся планамі маючых адбыцца пераўтварэнняў праспекта Пераможцаў, які размешчаны на тэрыторыі Цэнтральнага раёна Мінска. Паводле яго слоў, ёсць прапановы па канцэпцыі, але для арыгінальных рашэнняў, цікавых ідэй заўсёды знойдзецца месца. "Сёння ёсць імкненне, каб змяненні не зводзіліся толькі да добраўпарадкавання. Яны павінны быць кансалідаваны ў адзіную ідэю, навуковае, мастацкае апісанне", - растлумачыў ён.

Таксама, паводле слоў Ігара Бузоўскага, хацелася б, каб канцэпцыя комплекснага абнаўлення праспекта Пераможцаў улічвала прынцып заніравання. Такі падыход падзяляюць і спецыялісты Беларускай дзяржаўнай акадэміі мастацтваў. "Першая тэматычная зона магла б быць гістарычнай: Верхні горад, Няміга. Далей блок, прысвечаны Перамозе ў Вялікай Айчыннай вайне. Тут і музей гісторыі, і парк Перамогі. Далей - наша незалежнасць: Палац, плошча Дзяржаўнага сцяга, дыпламатычныя будынкі, якія асацыіруюцца з незалежнай Беларуссю. Наступны блок увасабляе нашы новыя перамогі - спартыўныя, архітэктурныя і г.д. І ўсё гэта выбудоўваецца ў канцэпцыю "Наша перамога". Перамога ў тым, што мы захавалі гісторыю, здолелі перамагчы ў вайне, атрымаць незалежнасць. І дабіваемся новых мірных перамог", - рэзюмаваў кіраўнік адміністрацыі.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дэпазіты на сямейны капітал Стаўка па дэпазіце "Сямейны капітал" на 2017 год складае 1,7 працэнта гадавых. Выкарыстаць грошы можна толькі пасля дасягнення дзіцем 18 гадоў, за выключэннем трат на медыцынскія паслугі.