Мабільная версія
ДЗЯРЖОРГАНЫ
Апошнія навіны
Усе навіны
Алена Богдан

Калі ў 2015 годзе не працаваў і хварэў: як бальніцы будуць перадаваць інфармацыю ў падатковую службу

Каментарыі 12.01.2017 | 11:19
Алена Богдан Алена Богдан Начальнік галоўнага ўпраўлення арганізацыі медыцынскай дапамогі Міністэрства аховы здароўя

Першыя паведамленні на выплату збору беларусам, якія не ўдзельнічаюць у фінансаванні дзяржаўных расходаў або ўдзельнічаюць у такім фінансаванні менш за 183 каляндарныя дні ў годзе, былі накіраваны ў кастрычніку 2016-га. На канец мінулага года ўжо больш за 16 тыс. грамадзян выплацілі адпаведны збор. Калі ж пісьмо прыйшло памылкова, чалавек мае права прадставіць у падатковы орган дакументы або тлумачэнні, якія сведчаць аб адсутнасці ў яго абавязку па выплаце збору. Напрыклад, такое можа быць, калі грамадзянін у 2015 годзе не меў месца работы і перанёс пэўныя захворванні. Як у гэтым выпадку афіцыйна апраўдацца перад падатковай службай, растлумачыла начальнік галоўнага ўпраўлення арганізацыі медыцынскай дапамогі Міністэрства аховы здароўя Алена Богдан.

Па выніках нарады ў Міністэрстве па падатках і зборах, дзе разглядаліся асобныя пытанні рэалізацыі норм дэкрэта аб папярэджанні сацыяльнага ўтрыманства, зацікаўленыя дзяржорганы прыйшлі да дамоўленасці: неабходна выключыць выпадкі прад'яўлення неабгрунтаваных патрабаванняў па выплаце збору да грамадзян, якія не мелі месца работы і перанеслі ў 2015 годзе пэўныя захворванні (траўмы), а таксама да жанчын, якія знаходзіліся пад медыцынскім наглядам у час цяжарнасці, родаў і ў пасляродавы перыяд. Гэта значыць, калі такому грамадзяніну прыходзіць паведамленне аб неабходнасці ўдзелу ў фінансаванні дзяржрасходаў, ён прадастаўляе ў падатковыя органы інфармацыю, што ў адпаведны прамежак часу хварэў. Яму прапануюцца два варыянты. Па-першае, інфармацыю аб стане здароўя пацыента ў 2015 годзе падатковыя органы могуць самастойна запытаць ва ўстановах аховы здароўя па месцы жыхарства або ў той арганізацыі, дзе грамадзянін на той момант праходзіў лячэнне.

Важны момант: згодна з законам аб ахове здароўя, такую асабістую інфармацыю, якая з'яўляецца ўрачэбнай тайнай, медработнікі па запыце падатковых органаў не могуць прадставіць без згоды пацыента. Таму грамадзянін павінен пакінуць у падатковай службе пісьмовую згоду на прадстаўленне такой інфармацыі. Адпаведна разам з запытам з падатковых органаў у арганізацыі аховы здароўя будзе накіравана і гэта ўласнаручна напісаная грамадзянінам заява. Прычым калі пацыент хоча, каб быў названы дыягназ, ён павінен гэта адзначыць.

Другі варыянт - пацыент самастойна звяртаецца ва ўстанову аховы здароўя, у якой ён на працягу 2015 года атрымліваў меддапамогу. Калі гэта быў стацыянар, яму ў адпаведнасці з адміністрацыйнымі працэдурамі будзе выдадзена выпіска з медыцынскіх дакументаў, так званы эпікрыз медкарты. Паводле слоў Алены Багдан, гэта пацвярджае канкрэтны перыяд аказання меддапамогі ў стацыянарных умовах.

Чалавек мог праходзіць лячэнне і амбулаторна: у яго было вострае захворванне, абвастрэнне або дэкампенсацыя хранічнага захворвання, аператыўнае ўмяшанне або траўма. У гэтым выпадку ён звяртаецца ў арганізацыю аховы здароўя па месцы жыхарства або тую, дзе ён праходзіў лячэнне. Тут прааналізуюць медыцынскую дакументацыю за 2015 год і забяспечаць выдачу неабходных дакументаў.

Канкрэтны перыяд наяўнасці ў грамадзяніна, які не меў у 2015 годзе месца работы, прыкмет часовай непрацаздольнасцi ў выпадках аказання меддапамогі ў амбулаторных умовах можа вызначацца толькі ўрачэбна-кансультацыйнай камісіяй (УКК) арганізацыі аховы здароўя, якая аказвала гэтаму пацыенту меддапамогу. Для прыняцця рашэння ў адносінах да канкрэтнага грамадзяніна УКК аналізуе інфармацыю, якая знаходзіцца ў медыцынскай карце амбулаторнага хворага за 2015 год: дата (даты) звароту пацыента па меддапамогу, дыягназ, тэрміны аказання меддапамогі, сярэднія аптымальныя тэрміны часовай непрацаздольнасці. Рашэнне УКК будзе змяшчаць інфармацыю аб наяўнасці або адсутнасці ў грамадзяніна па выніках аналізу яго медыцынскіх дакументаў прыкмет часовай непрацаздольнасці за канкрэтны перыяд часу. Узор афармлення выпіскі з медыцынскіх дакументаў размешчаны на сайце Міністэрства аховы здароўя.

Перыяд медыцынскага нагляду ў час цяжарнасці, родаў і ў пасляродавы перыяд у гэтым выпадку ўстанаўліваецца з 30 тыдняў цяжарнасці на 126 каляндарных дзён; для жанчын, якія пастаянна (пераважна) пражываюць, працуюць, праходзяць службу, навучаюцца на тэрыторыі радыеактыўнага забруджвання, - з 27 тыдняў цяжарнасці на 146 каляндарных дзён.

Алена Богдан растлумачыла, што ўсе апісаныя выпадкі датычацца толькі тых грамадзян, якія не працавалі ў 2015 годзе і каму тады не былі выдадзены лісткі непрацаздольнасці. І гэта не адносіцца да тых, хто ў названы час меў месца работы. У апошнім выпадку пры звароце па медыцынскую дапамогу - стацыянарныя гэта або амбулаторныя ўмовы - пацыенту ва ўстаноўленым парадку выдаваўся лісток непрацаздольнасці або даведка аб часовай непрацаздольнасці.

Святлана ВАСІЛЕЎСКАЯ

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Схема пад'езду да могілак на Радаўніцу Каб пазбегнуць затораў і для зручнасці грамадзян 25 красавіка (Радаўніца) зменена арганізацыя пад'езду да Паўночных і Міханавіцкіх могілак.